साकव फाउंडेशनतर्फे विद्यार्थ्यांना वह्यांचे वाटप

सामाजिक बांधिलकी जपत शिक्षणाला बळ देण्याच्या उद्देशाने साकव फाउंडेशनच्या वतीने जिल्हा परिषद प्राथमिक शाळा, इ. ल. तांडा आणि साईबाबा प्रशाला येथे एकूण २६० विद्यार्थ्यांना प्रत्येकी सहा वह्यांचे वाटप करण्यात आले.

जिल्हा परिषद प्राथमिक शाळा, इ. ल. तांडा येथे साकव फाउंडेशनचे अध्यक्ष डॉ. जगदीश पाटील व राहुल बिराजदार यांच्या हस्ते इयत्ता पहिली ते सातवीच्या १५० विद्यार्थ्यांना वह्यांचे वितरण करण्यात आले. यावेळी वाचक दूत श्रीधर खेडगीकर यांनी विद्यार्थ्यांना अवांतर वाचनाची गोडी लागावी या उद्देशाने गोष्टींची पुस्तके भेट दिली.

यावेळी शिक्षकवृंद, खेडगीकर, सय्यद, राठोड व कडगी उपस्थित होते. त्यानंतर साईबाबा प्रशाला येथे माळवदे, डॉ. जगदीश पाटील आणि राहुल बिराजदार यांच्या हस्ते ११० विद्यार्थ्यांना प्रत्येकी सहा वह्यांचे वाटप करण्यात आले. यावेळी मुख्याध्यापक तिपण्णा कोळी, पाटील, थोरात व शिक्षकवृंद उपस्थित होते.